Kibersport. Toshkentda katta xalqaro musobaqa bo'lib o'tadi

Ushbu musobaqa “FUTBOL TV CUP” va O'zbekiston virtual sport kiberfutbol Federaciyasi UVSCF tashkilotchiligi ostida o'tadi.  

Musobaqada O'zbekistondagi va dunyodagi eng kuchli kibersportchilar ushbu yirik turnirda qatnashadi. “FUTBOL TV CUP” musobaqasiga Evropadan ko'plab kibersportchilar taklif etilgan. Rossiya, Belgiya, Ukraina,Moldoviya, Ozarbayjon va boshqa davlatlardan kiberfutbolchilar Toshkentga tashrif buyurishadi. Musobaqa reglamentiga ko'ra turnirda 48 kibersportchi ishtirok etadi. Bunday yirik turnirni UZREPORT TV, Futbol TV, va saytimiz orqali kuzatib borishingiz mumkin. 

Musobaqaning reglamenti bilan tanishtirib o'tamiz.

Turnirda 48 ishtirokchi 4 guruhga bo'lingan holda musobaqani guruh bosqichidan boshlaydi. Har bir guruhda 12 nafardan kiberfutbolchi joy oladi. Guruh bosqichidan kuchli sakkizlikka kirgan ishtirokchi keyingi bosqichga yo'l oladi. "Pley-off" bosqichi esa Bo 3 + Double Elimination sistemasi orqali o'tkaziladi. Demak bunda 2ta ishtirokchi o'zaro 3ta o'yin o'tkazadi. Ushbu bahsda 2 marotaba g'alaba qozongan ishtirokchi keyingi bosqichga yo'l oladi. Agarda 2ta o'yinda kuchlar teng bo'lib qolsa unda uchinchi o'yin o'tkaziladi va o'shanda g'olib aniqlanadi.  

"Grand Final" esa Bo 5 sistemasi orqali o'tkaziladi. Bunda ham deyarli Bo 3 sistemasiga o'xshagan holat kuzatiladi. Agarda ushbu final bosqichida hg'am kuchlar teng bo'lib qolsa xal qiluvchi beshinchi o'yinga ruxsat beriladi va shu tariqa musobaqa g'olibi aniqlanadi. 

Turnir PS4 platformasida FIFA 17 o'yini bo'yicha o'tkaziladi. Har bir ishtirokchi istagan jamoani tanlab olish xuquqiga ega. 

Musobaqa ishtirokchilari shartlari. 

Mahalliy ishtirokchilar saralash bosqichidan o'tkaziladi. Saralashdan o'tgan kiberfutbolchilar guruh bosqichiga qo'shilishadi. Saralashdan o'ta olmaganlar esa musobaqa bilan erta xayrlashadi. Evropadan taklif qilingan ishtirokchilar esa musobaqani guruh bosqichidan boshlashadi.  

Musobaqada 4ta o'irnga sovrin qo'yilgan. Kuchli to'rtlikka kirgan kiberfutbolchilar homiylar va turnir tashkilotchilari tomonidan taqdim etiladigan qimmatbaho sovg'alarga ega bo'lishadi.

Turnir g'olibiga esa “Football TV CUP” kubogi topshiriladi. 

Musobaqada ro'yxatdan o'tmoqchi bo'lganlar quyidagi raqam orqali o'zlarini qiziqtirgan savollarga javob olishlari mumkin.

+99894 606-73-33

+99890 168-52-31

Eslatib o'tamiz, ushbu yirik xalqaro turnir 22 maydan 27 may sanasigacha o'tkaziladi. Mahalliy kiberfutbolchilar 20 may sanasigacha ro'yxatdan o'tgan bo'lishlari shart. Evropadan tashrif buyuradigan ishtirokchilar esa 5 maygacha ro'yxatdan o'tishlari kerak.

Takidlash kerakki, ushbu turnir O'zbekiston virtual sport kiberfutbol Federaciyasi UVSCF ilk xalqaro rasmiy musobaqasi ekanligini etiborga molik.