Amirjon Safarov – Dinamoning aprel oyidagi eng yaxshi futbolchisi!

So'rov yakunlaridan oldin qayd etish joiz, aprel oyida Dinamo Oliy Liga doirasida 4 ta o'yinda ishtirok etdi:

5-tur (7 aprel): Qo'qon-1912 - Dinamo - 2:1

6-tur (15 aprel): Dinamo - Buxoro - 3:1

7-tur (20 aprel): Bunyodkor - Dinamo - 1:1

8-tur (29 aprel): Dinamo - So'g'diyona - 2:2

Ushbu bahslarda bir mag'lubiyat, bir g'alaba, ikki durangga erishgan Dinamo 8-turdan keyin 14 ochko bilan 3-o'rinni egallab turibdi.

Etiborlisi, ushbu to'rt bahsda asosan zaxiradan maydonga tushgan bo'lishiga qaramay, jamoa hujumchisi Amirjon Safarov 3 ta gol (Buxoro va So'g'diyona bilan o'yinda) va 1 ta golli pas (Qo'qon-1912 bilan o'yinda) amalga oshirib, yakunda muxlislar ovozlariga ko'ra, Dinamo jamoasining aprel oyidagi eng yaxshi futbolchisi deb topildi. Unga 106 ta ovoz, yani umumiy ovozlarning 32.5 % foizi berilgan.

Ikkinchi o'rindan esa Javohir Qahramonov joy oldi. Jamoaning iqtidorli yarimhimoyachisi Buxoro va Bunyodkorga qarshi bahsda bittadan gol urib, bitta golga hammualliflik ham qildi. Unga muxlislarning 30.4%, yani 99 ta ovoz berilgan.

Bu borada uchinchi o'rindan jamoaning yagona legioneri, Radu Rogak joy olgan. 22 yoshli moldovalik himoyachiga 43 ta ovoz (13.2%) berilgan.

SHuningdek, Akmal Bozorov 35 (10.7%), Jasur Azimov 12 (3.7%), Mirkomil Lokaev 10 (3.1%), Abdujamol Isroilov 8 (2.5%), Mixail Naumov 7 (2.1%), Orif Mamajonov 6 (1.8%)larga ham ovozlar berilgan. Co'rovnomada jami 326 ovoz ishtirok etgan.

Eslatib o'tamiz, mart oyi yakunlariga binoan, jamoa sardori Akmal Bozorov Dinamoning eng yaxshi futbolchisi deb topilgandi.