O'zbekiston U-20 futzal termasi 14 futzalchi bilan Osiyo chempionatiga yo'l oladi
/ Kiritdi: BestMaster O'qilgan: 802
SHu yilning 16–26 may kunlari Tailand poytaxti Bangkok shahrida futzal bo'yicha tarixda ilk marta 20 yoshgacha bo'lgan futzalchilar o'rtasida Osiyo chempionati bo'lib o'tadi.
30 mart kuni bo'lib o'tgan qura natijasiga ko'ra, O'zbekiston U-20 terma jamoasi “C” guruhidan joy oldi va unda Qatar, Livan, Myanma va Gonkong davlatidan kelgan tengdoshlari bilan kuch sinashadi.
O'zbekiston U-20 futzal termasi bosh murabbiyi Osiyo chempionatiga 14 futzalchini tanlab oldi. Quyida ular bilan tanishish mumkin.
Darvozabonlar: Mirislom Miraliev, Sunnat Anvarov;
O'yinchilar: SHoxjahon SHonazarov, Botir Rizaev, Asli Muhammadiev, Olim Vohidov, Mehroj Xudoyberdiev, Ilhom Hamroev, Husniddin Nishonov, Ravshan Ismatullaev, Tohir Doniyorbekov, Xushnur Erkinov, Akbar Usmonov, Said Rizo Mirsharofov.
Musobaqa reglamentiga ko'ra, har bir guruhda 1–2 o'rinlarni egallagan jamoalar chorak finalga yo'l oladi. CHorak finalda g'alaba qozonganlar yarim finalga, yarim finalda yutganlar esa finalga yo'l oladi. SHuningdek, uchinchi o'rin uchun ham uchrashuv o'tkaziladi.
Eslatib o'tamiz, futzal bo'yicha U-20 Osiyo chempionati 2017 yilning 16–26 may kunlari Bangkok shahridagi Bangkok Arena va Huamark Indoor Stadium sport majmualarida o'tkaziladi.
Bosh sahifaga
670