Marat Bikmaev - aprel oyining eng yaxshi futbolchisi
/ Kiritdi: BestMaster O'qilgan: 871
championat.asia talqiniga aprel oyining eng yaxshi futbolchisi deb "Lokomotiv" hujumchisi Marat Bikmaev tan olindi.
Aprel oyida O'zbekistoning amaldagi chempioni Toshkentning "Lokomotiv" klubi anchagina muvaffaqiyatli ishtirok etdi.
Klub hujumchisi "Nasaf" va "Paxtakor" bilan o'yinlarda o'z hisobiga ikkitadan gol yozib qo'ydi. Uning urgan gollari jamoasiga mana shu muhim bahslarda g'alaba keltirdi.
"Obod" ustidan qozonilgan yirik hisobdagi g'alabaga o'z goli bilan xissa qo'shdi. Ayni paytda Bikmaev 9ta gol bilan oliy liga to'purarlari orasida yakka peshqadam bo'lib turibdi.
Bundan tashqari, hujumchi o'tgan oyda klubi safida Osiyo chempionlar ligasida ham gollar urishga erishdi. Eronning "Istiqlol" klubi bilan Toshkentdagi bahsda Bikmaevning yagona goli jamoasiga bir ochko keltirdi. "Al Taavon"ga qarshi Toshkentdagi bahsda Bikmaev raqib darvozasiga bir yo'la uchta gol urib xet-trik rasmiylashtirdi.
Aprel oyida oliy ligada Xurshid Xodjaev "Olmaliq", Amirjon Safarov "Dinamo", Igor Taran "SHo'rtan" va Suhrob Berdiev "Qo'qon-1912" kabi futbolchilar ham laureat bo'lishga loyiq o'yin namoyish etishdi.
Eslatib o'tamiz, mart oyida oliy liganing eng yaxshi futbolchisi deb "Qo'qon-1912" hujumchisi Filip Rayevac tan olingan edi.
Bosh sahifaga
2105