O'zbekiston U-15 termasi Toshkentda Belarus, Yaponiya va Polsha o'smirlariga qarshi bahs yuritadi

2017-05-06 12:00:05 / Kiritdi: BestMaster O'qilgan: 889

SHu yilning 1–5 iyun kunlari Toshkent shahrida 2002 yilda tavallud topgan futbolchilar o'rtasida xalqaro turnir bo'lib o'tadi.

Dilshod Nuraliev bosh murabbiyligidagi jamoa Belarus, Yaponiya va Polsha o'smirlariga qarshi bahs olib boradi. Barcha uchrashuvlar “JAR” stadionida bo'lib o'tishi rejalashtirilgan.

Quyida musobaqa taqvimi bilan tanishish mumkin:

1 iyun

10:00 O'zbekiston U-15 - Yaponiya U-15
18:00 Belarus U-15 - Polsha U-15

3 iyun

10:00 Belarus U-15 - Yaponiya U-15
18:00 O'zbekiston U-15 - Polsha U-15

5 iyun

10:00 Polsha U-15 - Yaponiya U-15
18:00 O'zbekiston U-15 - Belarus U-15

Mazkur musobaqa O'zbekiston o'smirlar termasi uchun 2018 yilgi U-16 Osiyo chempionatiga saralash bosqichiga tayyorgarlik vazifasini o'taydi. Saralash bosqichi shu yilning 16–24 sentyabr kunlari bo'lib o'tadi.

Eslatib o'tamiz, O'zbekiston U-15 terma jamoasi shu yilning 17–23 aprel kunlari Armaniston poytaxti Erevan shahrida o'tkazilgan Development Cup–2017 xalqaro turniri g'olibiga aylangandi.

Teglar: ozbekiston, u-15, termasi, toshkentda, belarus, yaponiya, polsha, osmirlariga, qarshi, bahs, yuritadi,
← Oldinga Orqaga →