Messi, Suarez va Neymar qatorasiga uchinchi mavsum 100 dan ortiq to'p kiritishmoqda

La Liganing so'nggi turida “Vilyareal”ga (4:1) qarshi bahsda Messi dubl qayd etgan bo'lsa, Suares va Neymar ham o'z hisobiga bittadan gol yozib qo'yishga erishdi. Ushbu o'yindan keyin MSN triosining joriy mavsumda barcha turnirlarda kiritgan jami gollari 102 taga etdi.

Ushbu uchlik 2014 yili “Barsa” safiga Suares kelib qo'shilganidan buyon ketma-ket uch mavsumdan buyon dunyoning eng kuchli uchligi sifatida qayd etilmoqda. O'tgan yili ushbu uchlik 131 ta, undan oldingi mavsumda 122 ta gol kiritishning uddasidan chiqishgan.