CHempionlar ligasi uchun kurash. "Arsenal" vs "Manchester Yunayted"

2017-05-07 17:50:01 / Kiritdi: BestMaster O'qilgan: 864

Bugun Toshkent vaqti bilan 20:00da "Emireyts" stadionida "Arsenal" hamda "Manchester Yunayted" o'rtasidagi APLning 36-tur uchrashuviga start beriladi.

Ushbu bahs CHempionlar ligasi uchun kechayotgan qizg'in kurashga oydinlik kiritishi mumkin. Ayni damda turnir jadvali quyidagi holatda:

To'liq jadval va to'purarlar ro'yxati bilan bu erda tanishasiz: APL TURNIR JADVALI

Tarkibdagi yo'qotishlar

Ushbu bahsda mezbonlar yarim himoyachisi Granit Jakaning ishtirok etishi so'roq ostida, biroq himoyachi SHkordan Mustafi mashg'ulotlarga qaytdi va posbon David Ospina ham sog'.

"Manchester Yunayted" safida Maruan Fellayni va Eshli Yang uchrashuvni o'tkazib yuboradi. Belgiyalikda diskvalifikaciya bor, Yang esa jarohatini davolamoqda. Timati Fosu-Mensaning ishtirok etishi so'roq ostida, Markus Rashfordda esa kichik shikastlanish bor.

Qiziqarli malumotlar

"Arsenal" o'tgan mavsum "Manchester Yunayted"ni 3:0 hisobida taslim etdi, ammo bu muvaffaqiyat Premer-liga doirasida "qizil iblislar"ga qarshi o'tkazilgan so'nggi 11 uchrashuvdagi ilk g'alaba hisoblanadi (4 ta durang, 6 ta mag'lubiyat).
Ueyn Runi "Arsenal"ga qarshi bahslarda 11 ta gol urgan va u Premer-liga tarixida "to'pchilar" darvozasini eng ko'p ishg'ol etgan futbolchi hisoblanadi.
Joze Mourino "Arsenal"ga qarshi 12 ta Premer-liga uchrashuvida biror marotaba mag'lub bo'lmagan (5 ta g'alaba, 7 ta durang)

Murabbiylarning qisqacha fikrlari

Arsen Venger: "Biz o'z o'yinimizga etibor qaratamiz. Jamoamizda g'alaba qozonishdan boshqa yo'l yo'q".

Joze Mourino: "Biz "Arsenal"ga qarshi bahsda 5:0 yoki 6:0 hisobida g'alaba qozonamiz deymayman. Natija uchun kurashamiz".