Prevyu. "Qizilqum" - "Lokomotiv"

Qizilqum (Navoiy) – Lokomotiv (Toshkent)
26 oktyabr 2015. Navoiy. "So'g'diyona" stadioni. 17:00
Hakamlar: B. Namozov (Toshkent), R. Serazetdinov (Toshkent), S. SHoyusupov (Toshkent), K. Rasulov (Qarshi)
Nazoratchi: A. Xotamov (Toshkent).

Bu ikki klubning yo'llari oliy liga o'yinlarida 21 bor kesishgan. Natijalar Toshkent klubining ustunligini ko'rsatmoqda. “Lokomotiv” 10 marta, “Qizilqum” 7 marta g'alabaga erishishgan. Yana 4ta bahsda g'olib aniqlanmagan. To'plar nisbati ham “Lokomotiv” foydasiga. Toshkentliklar shu kunga qadar o'zaro o'yinlarda 29ta gol kiritib o'z darvozalaridan 18 marta to'p olib chiqishgan. O'zaro o'inlarda “temiryo'lchilar” 34, “Qizilqum” 25 ochkoni qo'lga kiritgan.

“Lokomotiv” oliy ligada “Qizilqum” ustidan 5:0 hisobida g'alaba qozongan. Bu o'zaro o'yinlardagi poytaxtliklarning eng yirik g'alabasi hisoblanadi. “Qizilqum”ning o'zaro o'yinlardagi erishgan eng yirik g'alabasi esa 3:1ga teng.

Birinchi davrada Toshkentda o'tgan o'yin taqdirini birgina gol hal qilgan edi. Katta Jasur Hasanov tomonidan birinchi daqiqada urilgan gol “Loko”ga g'alaba keltirgandi – 1:0.

“Qizilqum” maydonida bo'lib o'tgan so'nggi besh uchrashuv:
26.09.2014 Qizilqum - Lokomotiv 2:3
26.08.2013 Qizilqum - Lokomotiv 1:0
08.08.2012 Qizilqum - Lokomotiv 1:1
03.04.2010 Qizilqum - Lokomotiv 0:1
29.06.2009 Qizilqum - Lokomotiv 1:0

O'zaro o'yinlar haqida fakt: “Qizilqum” maydonida bo'lib o'tgan 10ta o'yinning 5tasida maydon egalari uch ochkoga ega bo'lishgan. Uch marta durang qayd etilgan va “Lokomotiv” ikki bor safardan g'olib sifatida qaytgan.