Nosir Otaqo'ziev: "Muxlislarimizga raxmat!"

-  Avvalo bugungi uchrashuvda g'alaba qozona olmaganimiz biroz dilni xira qildi.  “Paxtakor”ga qarshi bo'ladigan uchrashuvlar xech qaysi jamoaga oson bo'lmagan.  Lekin biz bugun muxlislarimiz ko'z o'ngida g'alaba qozonib maydonni yorug' yuz bilan tark etishni judayam istagan edik. Muxlislarimizga raxmat bugun stadionda ajoyib atmosfera yaratib berdilar. Faqat raqiblar gol urgandan so'ng stadionga biroz sukunat cho'kkandek bo'ldi. Keyingi o'yinlarda bo'lmasinu, mabodo shunday vaziyat ro'y beradigan bo'lsa muxlislarimizdan iltimos qilgan bo'lardim, yanayam shiddat bilan bizni olg'a boshlasalar , qo'llab – quvvatlasalar bu futbolchilarga yanada qo'shimcha kuch-quvvat beradi.
 
-  Bu mavsumga qadar hech qachon birinchi davrani bunday  omadli boshlamaganman. Asosan gollarni ikkinchi davrada urar edim. Bunga sabab jamoamiz hujumkor taktikada o'yin ko'rsatmoqda. Maydonda doim ikkita hujumchi tushyapmiz. Bunda albatta vaziyatlar ko'p bo'ladi. Qolaversa yarim himoyachilarimiz ham hujumga yaxshi qo'shilishmoqda. Natijada Rayevacda xam menda xam vaziyatlar bo'lmoqda.

-  Maqsadimiz chempionatni mana shunday ruhda davom ettirib , stadionga kelayotgan muxlislarimizni  xursand holda qaytishlariga erishish. Bosh murabbiyimiz bitta gapni ko'p takrorlaydilar  “bizni muxlislar oldida yuzimiz yorug' bo'lishi kerak”- deydi Nosir Otaqo'ziev.