Turinda mo'jizaga ishonayotgan "Monako"

Monakodagi dastlabki o'yindan keyin Leonardu Jardim shogirdlarining imkoniyatlari ancha pasayib ketdi.
"Monako" o'z uyidagi bahsda xattoki gol ura olmadi. "Yuventus" javob uchrashuvi oldidan o'zi uchun juda kerakli va qulay hisobda g'alabani tantana qildi. Turindagi o'yinda "Monako" yo'qotadigan narsasi qolmagani uchun ham bor etiborini hujumga qaratgan holda, o'z omadini "Yuventus" darvozasi oldidan ahtaradi. "Yuventus" garchi mehmonda g'alaba qozongan bo'lsada, o'z muxlislari qarshisida birinchi bahsdagidan ham ko'ra hujumkorrok ruhda o'ynashi aniq. SHu boisdan ham bugungi bellashuv tomoshabop kechadi. Jardim jamoasi ortiqcha bosimsiz o'ynaydi. "Monako" "Yuventus"ni himoyasini yorib o'tish uchun o'zining zaxira kuchi, yani hujumdagi bor imkoniyatlarini, "qurol"larini ishga solishga urinib ko'radi. Allegri esa "Yuventus-stedium"da ikkinchi raqam bilan o'ynashga haqqi yo'qligini yaxshi tushunib turibdi. Buni Allegri Monakodagi uchrashuvdan keyingi matbuot anjumanidayoq alohida takidlab o'tgandi. O'shanda italiyalik mutaxassis, o'yindan ko'ngli to'lgani va javob bahsida yanada hujumkor uslubda o'ynashlarini alohida qayd etgandi. SHu boisdan ham bugungi bellashuvda tezkor gol bo'lishi ehtimoli mavjud. Agarda bu ishni "Monako" uddalaydigan bo'lsa, unda to'qnashuvdagi intriga ortadi va bu uchrashuvni yanada keskin ruhda o'tishini belgilaydi. Lekin "Yuventus" himoyasini yorib o'tish bu shunchaki hazilakam ish emasligini inobatga olgan holda shuni aytish mumkinki, "Monako"ga bu borada oson bo'lmasligi aniq. Jardim shogirdlari bu ishni o'z maydonlaridagi bahsda uddalay olishmagandi. SHu sababdan ham Turinda gol urishlariga, g'alaba qozonishlariga ishonish esa birmuncha qiyin masala.
"Yuventus"ning hujum chizig'i bu o'yinda o'zining bor potencialinin namoyish etishga harakat qilishi aniq. O'tgan gal Turinda "Barselona" darvozasi uch marotaba ishg'ol etilgandi. Bu narsa uchrashuv oldidan "Monako"ni sarosimaga solib qo'yishi mumkin.
Jardim jamoasi yarim finalga qadar juda qiyin va munosib yo'lni bosib o'tdi. Ammo Monakodagi birinchi uchrashuv shuni ko'rsatdiki, avvalo "Monako"ga hali katta jamoalar oldida, katta sahna oldida etarli tajribaga ega emasligi pand berdi. SHuningdek, bu to'qnashuvda "Yuventus" hozirgi kunda boshqa jamoalardan ko'ra, xususan "Monako"dan bir bosh baland ekanligi ko'rinib qoldi.
"Monako"da shijoat, ishtiyoq juda kuchli. Lekin katta tajribaga ega va ishtahasi kuchli "Yuventus"ning imkoniyatlari yuqori.

Turinda mo'jiza ruy bermasa, "Yuventus" final chiptasini rasman hal etadi.

Evropa chempionlar ligasi, yarim final.

Javob o'yini.

"Yuventus" - "Monako" (23:45)

"Juventus-stadium" stadioni.

Bosh hakam: Born Kuypers (Gollandiya)

"Yuventus": Buffon; Bardzali, Bonuchchi, Kellini, Aleks Sandro; Pyanich, Xedira; Dani Alves, Dibala, Mandjukich; Iguain.
O'ynamaydi: Pyaca (tizza), Rugani (jarohat)

"Monako": Subashich; Mendi, Jemerson, Glik, Sidibe; Bernardu Silva, Fabino, Bakayoko, Lemar; Mbappe, Falkao.
So'roq ostida: Mendi (jarohat), Karrilo (jarohat)
O'ynamaydi: Boskilya (tizza)

Birinchi o'yin: 2:0