Fidoyi inson xotirasini yodlab
/ Kiritdi: BestMaster O'qilgan: 849
Urganchda 9 may – Xotira va qadrlash kuni munosabati bilan mehnat faxriysi, fidoyi inson Bahodir Saparboevning porloq xotirasiga bag'ishlab mini futbol bo'yicha Xorazm viloyati markazidagi korxona, tashkilot va muassasalar jamoalari o'rtasida turnir o'tkazildi.
O'zbekiston istemol tovarlari ishlab chiqarish, savdo va xizmat ko'rsatish tashkilotlari xodimlari kasaba uyushmasi Urganch shahar kengashi tashabbusi bilan uyushtirilgan mazkur xotira turniri ikki bosqichda tashkil etildi. Xususan, dastlabki bosqichda 19 ta jamoa maydonga tushdi. Ular orasidan omadli etti jamoa ikkinchi bosqichda uchrashuvlarni davom ettirdi.
Qizg'in kechgan o'yinlar natijasiga ko'ra, Urganch maishiy xizmat kasb-hunar kolleji(direktorii SH. Ruzmatova) jamoasi birinchi o'ringa sazovor bo'ldi. Urganch politexnika va kompyuter texnologiyalari kollejining mini futbolchilari ikkinchi o'rinni egallagan bo'lsa, 1-son Bolalar musiqa va sanat maktabi vakillariga uchinchi o'rin nasib qildi.
Musobaqaning yopilish marosimida qatnashgan O'zbekiston istemol tovarlari ishlab chiqarish, savdo va xizmat ko'rsatish tashkilotlari xodimlari kasaba uyushmasi Urganch shahar kengashi raisi F. Baltaev g'olib va sovrindor jamoalarni erishgan muvaffaqiyati bilan qizg'in qutlab, tegishli darajadagi diplom va sovg'alar bilan taqdirladi.
Baxtiyor XUDAYBERGANOV,
Bosh sahifaga
1707