Karlush Keyrush CHernogoriyaga qarshi o'yinga Eron termasining tarkibini elon qildi
/ Kiritdi: BestMaster O'qilgan: 852
O'zbekiston milliy terma jamoasining JCH–2018 turniriga saralash bosqichi “A” guruhidagi raqibi – Eron termasi O'zbekistonga qarshi o'yin oldidan CHernogoriya futbolchilari bilan o'rtoqlik o'yinida maydonga tushishi haqida xabar berilgandi.
Eron terma jamoasi bosh murabbiyi Karlush Keyrush CHernogoriyaga qarshi 4 iyun kuni bo'lib o'tadigan o'yinga 20 futbolchidan iborat tarkibni elon qildi. Quyida tarkib bilan tanishing:
Darvozabonlar: Muhammadrizo Akbari (“Traktorsozi”), Muhammad Rashid Mazaxeri (“Zob Ahan”), Hamid Lak (“Traktorsozi”);
Himoyachilar: Ramin Rizoian (“Persepolis”), Hussayn Kanaanizadegan (“Malavan”), Pejman Muntazeri (“Al-Ahli”, Qatar), Murtazo Puraliganji (“Al-Sadd”, Qatar), Milan Muhammadi (“Terek”, Rossiya), Izzatuloh Purgaz (“Saipa”), Vohid Muhammadzoda (“Zob Ahan”), Said Agai (“Traktorsozi”);
Yarim himoyachilar: Mehdi Turobi (“Saipa”), Said Izzatullohi (“Rostov”, Rossiya), Ali Karimi (“Lokomotiva”, Xorvatiya), Ehson Hojisafi (“Sepaxon”), Ashkan Dejaga (“Volfsburg”, Germaniya), Ehson Pahlavon (“Sapaxon”);
Hujumchilar: Sasan Ansari (“Fulad”), Karim Ansarifard (“Olimpiakos”), Sardor Azmun (“Rostov”, Rossiya).
Malumot uchun, JCH–2018 saralash bosqichi “A” guruhi 8-turidan o'rin olgan Eron – O'zbekiston uchrashuvi 12 iyun kuni Tehrondagi “Ozodi” stadionida o'tkaziladi. O'yin mahalliy vaqt bilan 21:15 (Toshkent vaqti bilan 21:45)da boshlanishi belgilandi.
Eslatib o'tamiz, JCH–2018 saralashi “A” guruhi 7-turidan keyin Eron 17 ochko bilan peshqadamlik qilmoqda. O'zbekiston 12 ochko bilan guruhda hozircha 3-pog'onada bormoqda.
Bosh sahifaga
232