Bilasizmi? Mirjalol Qosimov bugun "Bunyodkor" bosh murabbiyi sifatida oliy ligada 120-o'yinini o'tkazadi

Avvalgi bosh murabbiy Sergey Lushan o'rnini egallagan Mirjalol Qo'shoqovich bugun o'z qaytishini "SHo'rtan"ga qarshi bahs bilan boshlaydi.

G'uzordagi bahs soat 18:00da start oladi. Bu o'yinning qiziq tomoni shundaki, Qosimov qadrdon jamoasiga qaytishini qanday natija bilan boshlaydi? Bundan tashqari, Mirjalol Qosimov bugun "Bunyodkor" bosh murabbiyi sifatida oliy ligada 120-o'yinini o'tkazadi. Quyida statistikaga murojaat qilamiz.

Qosimovning "Bunyodkor" bosh murabbiyi sifatida oliy ligadagi o'yinlari:

2007 y. 1 o'yin (1 g'alaba)
2008 y. 20 o'yin (17 g'alaba)
2009 y. Ishlamagan
2010 y. 17 o'yin (13 g'alaba)
2011 y. 26 o'yin (19 g'alaba)
2012 y. 26 o'yin (17 g'alaba)
2013 y. 26 o'yin (19 g'alaba)
2014 y. 3 o'yin (2 g'alaba)
2015 y. Ishlamagan
2016 y. Ishlamagan

Demak, shunda jami 119ta o'yin kelib chiqyapti va shundan 79tasida Qosimov shogirdlari g'alaba qozongan. Mabodo bugun "Bunyodkor" "SHo'rtan"ni mag'lub etgudek bo'lsa, bu 80-g'alaba bo'ladi.

Mirjalol Qosimov "Bunyodkor"dagi avvalgi faoliyati davomida to'rt marta G'uzorda "SHo'rtan"ga qarshi jamoasini maydonga olib tushgan. Ana shu to'rtta o'yinning ikkitasi 0:0 hisobi bilan yakun topgan va bir martadan tomonlar 1:0 hisobida zafar quchishgan.

2010 y. "SHo'rtan" - "Bunyodkor" 0:0
2011 y. "SHo'rtan" - "Bunyodkor" 1:0
2012 y. "SHo'rtan" - "Bunyodkor" 0:1
2013 y. "SHo'rtan" - "Bunyodkor" 0:0

Bugungi bahs Qosimov uchun "SHo'rtan"ga qarshi beshinchi o'yin bo'ladi va avvalgi bellashuvlardagi natijalarni yuqorida keltirib o'tdik. 2011 yil "SHo'rtan" g'alaba qozongan o'yinda Aleksandr Merzlyakov, oradan bir yil o'tib "Bunyodkor" zafar quchgan bahsda Bahodir Pardaev gol muallifi bo'lgan. Xo'sh, bugungi to'qnashuv qanday kechadi-yu, qanday hisob bilan yakunlanadi? Buni albatta o'yindan so'ng bilib olamiz.