Bugun futbol. "Paxtakor" - "Buxoro"

Oliy liga. 10-tur. 12 may
Paxtakor (Toshkent) – Buxoro (Buxoro)
Hakamlar: V. Agishev (Toshkent), A. Usmonov (Toshkent), T. Gaynulin (Toshkent), I. Garmashov (Toshkent).
Nazoratchi: S. Najafaliev (Toshkent).
O'zPFL vakili: G. Rtveladze.

O'yindan nima kutyapmiz? Ketma-ket uch uchrashuvdan beri mag'lub bo'lmagan "Buxoro" bu gal oxirgi paytlarda ishi bir yurishib bir yurishmayotgan "Paxtakor" mehmoni bo'ladi. Albatta, klubdagi o'zgarishlardan so'ng "Paxtakor" har bir uchrashuvda g'alaba qozonishga harakat qilishi shubhasiz. Lekin o'z navbatida "Buxoro" ham qarab turmaydi, chunki ochko hammaga kerak.

Fakt: Turnir jadvalida 10-o'rinda borayotgan "Paxtakor" bugun o'z maydonida oltinchi uchrashuvini o'tkazadi. Avvalgi beshta bahsning uchtasida g'alaba qozongan jamoa ikki bor mag'lub bo'lgan. To'plar nisbati 6-4. "Paxtakor" o'z uyida hali durang qayd etmagan.

Fakt: "Buxoro" safar o'yinlarida ikki bor zafar quchib, ikki marta mag'lub bo'lgan. "Buxoro" safarda hali durang o'ynamagan. To'plar nisbati 5-6.

Bilasizmi? "Paxtakor"ning uchala g'alabasi ham uydagi o'yinlarda qo'lga kiritilgan. Jamoa o'z maydonida "Qizilqum", "Metallurg" va "Navbahor"dan ustun kelgan.

Tarixga nazar: "Paxtakor" stadionida bo'lib o'tgan oxirgi uch o'yinning ikkitasida mezbonlar mehmonlarni mag'lub etishgan. O'tgan yil kechgan bellashuvda esa 1:1 hisobi qayd etilgan.

Toshkentdagi oxirgi uch o'yin

13.08.2016
"Paxtakor" - "Buxoro" - 1:1

03.04.2015
"Paxtakor" - "Buxoro" - 3:1

29.10.2014
"Paxtakor" - "Buxoro" - 4:0