"CHelsi" 6-o'ringa chiqib oldi

Angliya chempioni degan nomga eng ko'p sazovor bo'lgan jamoa bu "Manchester Yunayted" hisoblanadi. "Qizil iblislar" jami 20 bor Angliyada tengsiz bo'lishgan.
"Liverpul" bu ko'rsatkich bo'yicha ikkinchi o'rinda bormoqda. Mersisaydliklar MYUdan bitta chempionlik kam, yani 19 marotaba oltin medallarga sazovor bo'lishgan.

Uchinchi pog'onada "Arsenal" ketmoqda. "Kanonirlar" Angliyada 13 marta chempionlik tamini tatib ko'rishga muvaffaq bo'lishgan.

To'rtinchi o'rinda borayotgan "Everton"da 9ta, beshinchi pog'onadagi "Aston Villa"da esa 7ta oltin medal mavjud.

"Sanderlend" shu kunga qadar 6 marotaba chempionlikni qo'lga kiritib, bu orada mos ravishda 6-pog'onada borayotgandi. "CHelsi" joriy mavsumda oltin medallarni qo'lga kiritish borasida "Sanderlend"ga etib oldi va endilikda bu ikki jamoa 6-o'rinni bo'lishib turishibdi.