Malayziyani portugaliyalik murabbiy boshqaradigan bo'ldi

Portugaliyalik mutaxassis Nelo Vingada bundan buyon Malayziya terma jamoasi ustozi sifatida ishlaydi.

Bu murabbiy o'z vaqtida Portugaliya, Saudiya Arabistoni, Ioradniya, Misr (olimpiya) va Eron (olimpiya) terma jamoalarida ishlagan. Mashhur klublardan Portugaliyada "Benfika", "Maritmu", "Vitoriya", Misrda "Zamalek", Eronda "Persepolis", Janubiy Koreyada "Seul", Xitoyda "Dalian SHayd"da faoliyat olib borgan.  

2013-2014 yillarda Karlush Keyrushga Eron terma jamoasida yordamchilik qilgan.

Nelu Vingada 1996 yil Saudiya Arabistonini Osiyo chempioni qilgan. 2003 yil "Zamalek"ni Misr chempioni qilgan. "Seul" bilan 2010 yil Janubiy Koreya chempioni bo'lgan va Liga kubogini qo'lga kiritgan.

Malayziya terma jamoasi ayni paytda 2019 yilgi Osiyo Kubogiga chiqish uchun kurash olib bormoqda. Jamoa Livan, KXDR va Gongkong bilan bir guruhdan o'rin olgan. Malayziya 8 iyun kuni KXDR bilan o'ynaydi.