Otabek Narzullaev: "SHo'rtan"ning o'z uslubi bor"

-   Otabek,  “SHo'rtan” bo' yilgi mavsumni ko'tarinki ruhda boshladi,  turlar davomida yuqori o'rinlar  uchun kurasha olishini isbotlayapti. Jamoangizning ishonchli o'yinlariga nima sabab bo'ldi deb o'ylaysiz?  
- To'g'ri aytasiz,  jamoamiz chindan ham ancha mazmunli o'yinlarni boshdan o'tkazayapmiz. Jamoamiz futbolchilarning  g'alaba bo'lgan ishtiyoqlari baland. Har-bir bahsda faqat g'alaba uchun maydonga chiqamiz. Ishonchli o'yinlarimizning sababi oddiy, biz bir jamoamiz.  “SHo'rtan” jamoasi shani munosib himoya qilish birinchi galdagi burchim deb hisoblayman.

- Siz jamoada chap qanot himoyasida harakat qilasiz, ammo qarshi hujumlarda faollikni oshirasiz o'z maydonlaringizda ikki uchrashuvida yani  “Lokomotiv” va “Bunyodkor” jamoalariga qarshi  bahsda guvoh bo'ldim-ki, chap qanotdan  hujumlarga ishtirok etib,  sheriglaringiz aniq uzatmalaringiz evaziga jamoadoshingiz Umar Eshmurodov gol bilan yakunladi?
- “SHo'rtan” jamoasining aksariyat hujumlari qanotlar faolligida oshiriladi. Muxlislar ham maydondagi  hujumkor futbolni xush ko'rishadi. Murabbiymiz aytgandek, tezkor futbol faollikni talab qiladi. Bizning o'z uslubimiz. Jamoaviy o'yinimiz bor, taktik jihatdan ham o'sish kuzatilmoqda.

- O'z o'yingiz aql bovar qilmas darajada yaxshilandi. Buni his qilayapsizmi?
- Nihoyat asl o'yinimni topganga o'xshayman. Bu o'z kuchimga bo'lgan ishonchni ortishi bilan bog'liq. Zero, ishonch har bir futbolchiga juda zarur. Bilasizmi, o'zingga ishongan taqdirda xatto harakatlaring qovushmasa yoki bir maromini ushlolmasang ham o'z saviyangdan pastga tushmaysan.   

- “Bunyodkor” jamoasi bilan kechgan uchrashuv haqida to'xtalib o'tsangiz?
- O'yin og'ir bo'lishni his qilardik, “Bunyodkor”da yosh iqtidorli futbolchilar yig'ilgan. Har ikki jamoaga g'alaba juda zarur edi. SHu bois jamoalar maydonga kuchli ishtiyoq bilan tushishdi. SHiddatli uchrashuvda birgina imkoniyatdan foydalanib, yakunda g'alabaga erishdik.

Fahriddin CHoriev suhbatlashdi.