Otabek Narzullaev: "G'alabadan so'ng ramziy terma jamoadan o'rin olish yanada yoqimli bo'ldi"
/ Kiritdi: BestMaster O'qilgan: 1015
Oliy liga 10-turida "SHo'rtan" o'z uyida "Bunyodkor"ni mag'lub etgandi.
G'uzorliklarning ikki vakili Umar Eshmurodov va Otabek Narzullaev ushbu tur ramziy terma jamoadan o'rin olishgandi. Biz Otabek Narzullaevdan bu boradagi fikrlari bilan qiziqdik.
- Otabek championat.asia talqiniga ko'ra siz va jamoadoshingiz Umar Eshmurodov 10-tur ramziy terma jamoasidan o'rin oldingiz. Buni qanday qarshi oldingiz?
- Albatta xursand bo'ldim. Har bir futbolchi ramziy jamoaga tushishni xohlaydi.
- Matbuotni kuzatib borasizmi?
- Bo'lmasamchi, hozirgi vaqtda internet futbol saytlarini tezkorlik bilan rivojlanishi kishini quvontiradi. Kunlik tezkor futbol yangiliklarini muntazam kuzataman. Ayniqsa, oliy ligamiz haqidagi turli malumotlar biz futbolchilarga manzur bo'layapti.
- Ramziy jamoaga tushish qanchalik yoqimli?
- Ommani etiboriga tushish yoqimli, sayt ijodkorlari ushbu ruknni tashkil qilganiga o'z minnatdorchiligimni izhor etaman. Rosti aytsam ramziy jamoa safida joy olishimni kutmagandim. G'alabadan so'ng ushbu xabarni eshitib yana ham xursand bo'ldim.
Fahriddin CHoriev suhbatlashdi
Bosh sahifaga
361