Diyorjon Turopov: "Bugungi o'yin qiziqarli va kurashlarga boy tarzda o'tishiga aminman"
/ Kiritdi: BestMaster O'qilgan: 954
Xabaringiz bor, bugun Oliy Liga 11-tur o'yinlari doirasida “Lokomotiv” “Qo'qon-1912” jamoasi maydoniga safar uyushtiradi.
Anchagina qiziqarli ruhda o'tishi kutilayotgan mazkur qarama-qarshilik oldidan “temiryo'lchilar” jamoasi azosi Diyorjon Turopovning fikrlari bilan qiziqdik.
– Ushbu o'yinga reja asosida tayyorlandik. Murabbiylar shtabi bilan birgalikda raqib o'yinini o'rganib chiqdik. Takidlash kerakki, “Qo'qon-1912” bu yil ancha mazmunli o'yin ko'rsatyapti. Jamoa tarkibiga bir necha nafar yaxshi saviyadagi futbolchilar qo'shib olingani ko'rinib turibdi. Natijada esa qo'qonliklar o'z ishqibozlarini tez-tez qo'lga kiritilayotgan ochkolar bilan xursand qilishyapti.
Bugungi o'yin qiziqarli va kurashlarga boy tarzda o'tishiga aminman. Stadionga keladigan muxlislar zerikib qolishmaydi, deb o'ylayman. Nasib etsa, biz ham maydonga faqat g'alaba uchun chiqamiz. CHiroyli o'yin namoyish etgan holda “Lokomotiv” ishqibozlarini xushnud etishga urinamiz, – deydi mahoratli futbolchi klub matbuot xizmatiga.
Takidlash joiz, “Qo'qon-1912” – “Lokomotiv” uchrashuvi bugun soat 17:30da bo'lib o'tadi.
Bosh sahifaga
206
