Bugun futbol. "Obod" - "Dinamo"

“Obod” (Toshkent) – “Dinamo” (Samarqand)
Hakamlar: R. Bobomurodov (Navoiy), R. SHoyaxmitov (Toshkent), A. Burov (Buxoro), A. Najafaliev (Toshkent)
Nazoratchi: I. Nexochin (Namangan)
O'zPFL vakili: F. Magametov

O'yindan nima kutyapmiz? Ikkala jamoaning ham ishlari oxirgi paytda yaxshi ketmayapti. Bu o'yinda yutuq "Obod"ga ham, "Dinamo"ga ham nihoyatda zarur. O'tgan yil "Obod" oliy ligaga chiqqan mahal ko'pchilik "o'zbek "Lesteri" tarifini bergandi, bu yil "Dinamo"ni shunday atashmoqda. Qani ko'ramiz, "Lester" degan nomga kim ko'proq loyiqligini bugungi o'yinda.

Turnir jadvalidagi vaziyat: "Obod" 6 ochko to'plagan holda oxirgi o'rinni egallab turibdi. "Dinamo" esa 15 ochko bilan 6-o'rinda bormoqda.

Fakt: Bugun "Obod" o'z maydonida beshinchi o'yinini o'tkazadi. Avvalgi to'rt uchrashuvda Rauf Inileev shogirdlari uch marta durang o'ynab, bir bor mag'lub bo'lishgan. To'plar nisbati 3-4.

Fakt: "Obod" uydagi o'yinlarda atigi uch ochko to'plagan va bu borada ham oxirgi o'rinda bormoqda. "Dinamo"ga kelsak, samarqandliklar bugun safarda oltinchi marta bahs olib borishadi. Jamoa avvalgi beshta o'yinning ikkitasida zafar quchgan. "Dinamo" safarda "Metallurg" va "Paxtakor"dan ustun kelgan bo'lsa, "Bunyodkor" bilan durang o'ynagan va "Qo'qon-1912" hamda "Olmaliq"qa imkoniyatni boy bergan.

Bilasizmi? "Obod" qatorasiga ettita o'yindan beri g'alaba qozona olmayapti. Jamoa oxirgi marta 3-turda "Buxoro"ni mag'lub etib qaytgan.

Bilasizmi? O'z maydonida "Buxoro"dan ustun kelgan "Dinamo" shundan so'ng ketma-ket to'rt o'yinni yuta olmadi: uch durang va bir mag'lubiyat.