Bugun futbol. "So'g'diyona" - "SHo'rtan"

“So'g'diyona” (Jizzax) – “SHo'rtan” (G'uzor)
Hakamlar: V. Serazetdinov (Toshkent), R. Fozilov (Namangan), M. Majidov (Namangan), B. Yo'lcharaev (Guliston)
Nazoratchi: A. Xamatov (Toshkent)
O'zPFL vakili: B. Haydarov

Jadvaldagi o'rni: "So'g'diyona" 12-o'rinda (11 ochko), "SHo'rtan" 10-o'rinda (12 ochko).

O'yindan nima kutyapmiz? Bu o'yinda kim g'olib chiqishini taxmin qilish qiyin bo'lsa kerak. Negaki ikkala jamoa ham saviya va o'yin jihatdan bir-biriga yaqin hisoblanadi. Agar bugun "SHo'rtan" g'alaba qozonsa, bu g'uzorliklarning safardagi ilk g'alabasi bo'ladi. Mabodo maydon egalari zafar quchsa, to'rtinchi g'alabani rasmiylashtirishadi.

Fakt: "So'g'diyona" o'z maydonidagi to'rtta o'yindan uchtasini g'alaba bilan yakunlagan. Jizzaxliklar uyda "Olmaliq", "Obod" va "Mashal"dan ustun kelib, "Neftchi"ga mag'lub bo'lishgan. 

Bilasizmi? "So'g'diyona" uydagi oxirgi o'yinida "Mashal"ni 3:0 hisobida mag'lub etdi. Bugun ular Qashqadaryoning boshqa bir klubi "SHo'rtan"ni qabul qilishadi.

Fakt: "SHo'rtan" safarda beshinchi uchrashuvini o'tkazadi. Jamoa avvalgi to'rtta o'yinning hammasida mag'lub bo'lgan. To'plar nisbati 2-10.

Bilasizmi? "SHo'rtan" safarda umuman ochko qo'lga kiritmagan oliy liganing yagona jamoasi bo'lib turibdi. To'rtta o'yin - to'rtta mag'lubiyat.