Yurica Bulyat: “Bunyodkor” kuchli jamoa ekanligini yaxshi bilaman”

Ushbu turda “Bunyodkor” o'zu uyida “Paxtakor”ni qabul qildi va 1:1 hisobida durang natija qayd etdi. Uchrashuvdan so'ng “sherlar” klubi futbolchisi Yurica Bulyat o'z fikrlari bilan o'rtoqlashdi.

“Bunyodkor”ga qarshi juda ham og'ir o'yinni o'tkazdik, axir bu derbi. Birinchi bo'limda biroz yomon o'yin ko'rsatdik. Raqiblarimiz darvozamiz oldida 2-3ta golga tortadigan vaziyatlar yaratishdi. Yaxshiyamki omad biz tarafda bo'ldi. Ikkinchi bo'limda hammasi o'z iziga tushib ketdi. Men “qaldirg'ochlar” safida 1 yil to'p tepganman. “Bunyodkor” kuchli jamoa ekanligini yaxshi bilaman. Eng asosiysi mag'lubiyatga uchramadik. Durang ikkala taraf uchun ham qoniqarli natija bo'ldi, deb o'ylayman, deydi “Paxtakor” klubi futbolchisi Yurica Bulyat

Jahongir Sotvoldiev yozib oldi