"Obod". Yana bir futbolchimiz oliy ligada debyutini nishonladi

Asosan yosh o'yinchilarning xizmatidan foydalanayotgan jamoamiz safida bu yilning hisobidan uchinchi futbolchi oliy ligada o'z debyutini nishonladi. Bunga qadar 1996 yilda tug'ilgan Islom Ismoilov va Abbos Saidkarimov katta futbolga "Obod" orqali qadam tashlagan bo'lsa, kuni kecha bo'lib o'tgan 11-tur bahsida yana bir yosh o'yinchi Jahongir Omonov tarixda qoldi. 1999 yilda tavallud topgan Omonov 18 yoshida oliy ligada to'p tepishga muvaffaq bo'ldi. O'ylaymizki, har uchchala futbolchimiz ham kelajakda "Obod"ga katta yordami tegadigan, tajribali o'yinchi bo'lib etishadi. Qolaversa, debyutantlar soni yil davomida yana oshishiga ishonamiz.