Futzal. Ertaga O'zbekiston U-20 - Iroq U-?? yoxud finaldan oldin kimlar bilan o'ynaymiz?
/ Kiritdi: BestMaster O'qilgan: 915
Tailandda futzal bo'yicha U-20 Osiyo chempionati davom etmoqda.
Kecha O'zbekiston yoshlar terma jamoasi chorak finalda Mo'g'ulistonga qarshi qiyin o'tgan bahsda 10:7 hisobida g'alaba qozonib yarim finalga chiqdi.
Xose Mariya Mendez boshchiligidagi jamoa ertaga, 24 may kuni final chiptasi uchun Iroqqa qarshi o'ynaydi.
O'yindan oldin Iroq haqida qisqacha to'xtalib o'tishga qaror qildik. Gap shundaki, Osiyo chempionati guruh bosqichi yakunlangach jamoalar vakillari ishtirokida o'tgan mitingda Eron vakili OFKga Iroq ustidan shikoyat yozishini malum qildi. Eronliklarga Yaponiya, Tailand kabi jamoalar ham qo'shildi. Ammo hozirga qadar OFK hech qanday qarorni qabul qilmadi.
Iroq o'yinchilarining yoshlari 20dan anchagina katta ekanligi shundoq ko'rinib turibdi. Kecha mana shu jamoa Yaponiyani mag'lub etib yarim finalga chiqdi.
Xullas, ertaga eng kattasi 19 yosh bo'lgan futzalchilardan tashkil topgan O'zbekiston terma jamoasi Iroq U-?? jamoasiga qarshi o'ynaydi.
Finalga chiqqan ikki terma jamoasi 2018 yil yoshlar o'rtasidagi Olimpiada o'yinlarida ishtirok etish huquqini qo'lga kiritadi. Olg'a, O'zbekiston!
Abdurahmon Fozilov
Bangkok, Tailand
Bosh sahifaga
1986