Manchesterdagi stadion oldida portlash yuz berdi

Guvohlarning so'zlariga ko'ra, tadbirga yig'ilgan minglab odamlar orasida vahima ko'tarildi. Ilk malumotlarga ko'ra, bir necha kishi vafot etdi.

"Ariana Grandi so'nggi qo'shig'ini yakunladi va sahnani tark etishi bilan portlash ovozi eshitildi. Minglab odamlar stadionni tark etishga urinishdi, ular baqirib yig'lashardi. Tutun va yongan narsalarning hidi kelardi. Juda qo'rqinchli bo'ldi" - deydi guvohlarning biri.

Manchester policiyasi portlash oqibatida odamlar vafot etganini, hamda jarohatlanganlar borligini tasdiqladi. SHahar aholisiga voqea joyidan uzoqroqda bo'lish tavsiya etilmoqda.

"Manchester Arena" o'z bag'riga 21 ming kishini sig'dira oladi. Bu Bu erda turli sport va madaniyat tadbirlari o'tkaziladi.