"Paxtakor" - "So'g'diyona". Uchrashuv raqamlari va malumotlar

CHempionatda so'nggi 4 uchrashuvda mag'lubiyatga uchramagan "Paxtakor" turnir jadvalidagi holatini yaxshilash uchun qolgan bellashuvlarda zafar quchishga intilishi lozim. Terma jamoa o'yini bilan bog'liq tanaffusdan avval oliy ligadagi oxirgi raqib jizzaxliklar hisoblanadi. "So'g'diyona" oliy liganing so'nggi turida "SHo'rtan"dan ustun kelganini eslatib o'tamiz.

Oliy liga tarixida jamoalar 42 o'yinda kuch sinashishgan. "SHerlar" 34 bellashuvda zafar quchgan bo'lsalar, 4tadan uchrashuv durang va raqibning g'alabasi bilan yakunlangan. Toshkentdagi 21 to'qnashuvning 19tasida "Paxtakor" ustun kelgan. Jizzax klubi bir marta durang va muvaffaqiyat bilan ortga qaytgan. Toshkentdagi oxirgi 17 bellashuvda jamoamiz g'alabaga erishgan. Raqib darvozasiga jami 111 to'p kiritilib, 35 gol o'tkazib yuborilgan.

Bellashuvni Vadim Agishev boshchiligidagi hakamlar guruhi boshqaradi. Joriy mavsum Agishev "Buxoro"ga qarshi o'yinni boshqarib borgan va o'shanda "Paxtakor" muvaffaqiyat qozongandi.

"PAXTAKOR" - "SO'G'DIYONA"
Hakamlar: Vadim Agishev (Toshkent), Husniddin SHodmonov (Buxoro), Aleksandr Burov (Buxoro), Ravshan Abduvohidov (Qarshi).
Nazoratchi: Ibrohim SHaripov (Buxoro).
PFL vakili: Grigoriy Rtveladze.

Yoshlar tarkiblari o'yini 25 may, payshanba kuni 17:30da Qibraydagi stadionda boshlanadi. Asosiy jamoalar to'qnashuvi 26 may, juma kuni "Paxtakor" stadionida 19:00da start oladi.