Marat Bikmaev: "Doim 90 daqiqa o'ynashga tayyorman"

"Bugungi o'yin qiyin bo'ldi, bunday maydonda o'ynash juda qiyin bo'ldi. "Qizilqum" o'z maydonida muxlislari oldida o'ynadi. Haqqoniy tarzda g'alabaga erishdik. Bugun "Lokomotiv"ning safardagi o'yinlari orasida eng yomon maydonda o'ynadik. Biroq ular ham shu maydonda o'ynashdi, biz ham shu maydonda o'ynadik, - deydi "Lokomotiv" hujumchisi.

Bu safargi golni boshqacha nishonladim? Mavsum oxirlab bormoqda, har bir gol juda muhim, shu bois goldan quvonib ketdim shekilli (kuladi).

Doim 90 daqiqa o'ynashga tayyorman. Barchasi murabbiyga bog'liq, zaxiradan maydonga tushirib o'yinni kuchaytirishi mumkin. Lekin har doim 90 daqiqa o'ynashga kuchim etadi. "Alaniya" safida har 3 kunda o'yin o'tkazardik.

CHempionlik uchun imkoniyatimiz bor ekan oxirigacha kurashamiz, oldimizda turgan 3ta o'yinda yutishimiz kerak. Keyin musobaqa jadvaliga qaraymiz.

"Paxtakor" safida chempion bo'lganman. Lekin u paytda hali yosh bo'lganim uchunmi Agamurodov meni ko'pincha zaxiradan maydonga tushirardi. Maydonga tushardim va gol uradim. Tarkibimizda Anvar Soliev, Aleksandr Kroxmal va Baxtiyor Hamidullaev kabi hujumchilar bor edi.

O'zbekistonga qaytganimdan so'ng sovrin yutishni juda ham xohlayapman. Agar chempion bo'lsak juda xursand bo'laman", - deydi Marat Bikmaev.