Barkamol avlod-2017: Qashqadaryo va Farg'ona terma jamoasi finalga yo'l olishdi

Futbol sport turida saralash bosqichida muvaffaqiyatli ishtirok etgan Qashqadaryo, Toshkent, Farg'ona va Xorazm jamoalari Respublika final bosqichi yo'llamasiga ega bo'lgandi.

Kecha  qura natijasiga ko'ra, to'rt jamoa yarim final o'yinlarini o'tkazishdi.

Nurali Sultonov boshchiligida qashqadaryolik yosh futbolchilar xorazmlik tengdoshlari darvozasiga javobsiz  besh bor ishg'ol etishdi. Dilshod Saitov ikki bor to'p kiritib dublga erishgan bo'lsa, Islom Kenjaboev, Xudoyorxon Sag'dullaev va Mirzabek Joniqulovlarning bittadan kiritgan gollari hisobni yirik ko'rinishga olib keldi - 5:0.

Ikkinchi yarim finalda Farg'ona terma jamoasi Toshkent jamoasi ustidan 2:0 hisobida zafar quchib finalga chiqdi. 27 may kun soat 9:00da final uchrashuvida Qashqadaryo va Farg'ona jamoasi futbolchilari maydonga tushishadi.  

Faxriddin CHoriev.