Bugun futbol. "Metallurg" - "Nasaf"
/ Kiritdi: BestMaster O'qilgan: 709
Bugun oliy liganing 12-tur uchrashuvlariga start beriladi. Turnir jadvalida oxirgi o'rinda borayotgan "Metallurg" o'z maydonida 2-o'rindagi "Nasaf"ni qabul qiladi. O'yin 17:45da boshlanadi.
O'yindan nima kutyapmiz? "Metallurg" uchun har bir uchrashuv finalga teng. Go'yoki har bir o'yin oxirgi umiddek bo'lib ko'rinmoqda. CHunki jamoa atigi ikkita g'alaba bilan oxirgi o'rinda boryapti. "Nasaf" esa chempionlikka harakat qilmoqda va bu jamoa ham ochko yo'qotishni xohlamaydi. "Metallurg" o'z maydonida "Nasaf"ga qarshi doim murosasiz bahs olib boradi. SHunday ekan, bugun ham Bekobodda sensaciya qayd etilsa ajab emas.
Fakt: "Metallurg" uydagi o'yinlarda 7 ochko to'plagan: ikki g'alaba, bir durang va ikki mag'lubiyat. To'plar nisbati 8-7.
Fakt: "Nasaf" shu paytgacha safarda ikkita o'yinni yutqazgan. Jamoa avvaliga "Olmaliq"qa, keyin "Lokomotiv"ga imkoniyatni boy bergan. "Nasaf" safardagi oxirgi ikkita o'yinda durang o'ynadi. Agar bugun qarshiliklar zafar quchsa, bu "Nasaf"ning safardagi ikkinchi g'alabasi bo'ladi. Jamoa birinchi g'alabasini 1-turda "Qo'qon-1912" ustidan qo'lga kiritgan.
Bilasizmi? "Nasaf" oxirgi beshta o'yindan beri mag'lubiyatga uchragani yo'q: uch g'alaba, ikki durang. To'plar nisbati 6-2.
Bilasizmi? "Metallurg" hozircha ikkita o'yinda zafar quchgan va ikkala g'alaba ham uydagi o'yinlarda qo'lga kiritilgan: "SHo'rtan" va "So'g'diyona" ustidan.
Bosh sahifaga
356