Bugun futbol. "Mashal" - "Obod"

O'yindan nima kutyapmiz? Avvalgi turda g'alaba nashidasini surgan "Obod" bugun safarda "Mashal"ga qarshi maydonga tushadi. "Mashal" o'tgan turda "Nasaf"dan mag'lub bo'ldi va o'sha mag'lubiyat alamini "Obod"dan olishga urinib ko'radi. Imkoniyatlar borasida "Mashal"ning ustunligini ko'rsata olamiz. 

Fakt: "Mashal" o'z maydonidagi oxirgi o'yinda durang o'ynadi. Jamoa "Olmaliq" qarshiligini enga olmadi. "Mashal" uydagi o'yinlarda 11 ochkoni qo'lga kiritgan. Jamoa uchta bahsda zafar quchib, ikki bor durang o'ynagan va bir marta mag'lub bo'lgan. To'plar nisbati 6-2. 

Bilasizmi? "Mashal" 1-turda "Lokomotiv"ga yutqazganidan beri Muborakda mag'lub bo'lmay kelmoqda. Jamoa o'z uyida hatto "Paxtakor", "Bunyodkor" kabi klublardan ustun kelgan. 

Fakt: "Obod" safardagi yagona g'alabasi "Buxoro" bilan o'yinda ro'y bergan. SHundan beri Inileev shogirdlari safarda g'alaba qozona olishmayapti. Jamoa ketma-ket to'rtta mag'lubiyatni qabul qilib oldi. "Obod" safarda "So'g'diyona", "Nasaf", "Lokomotiv", "Neftchi" klublariga imkoniyatni boy bergan. 

Bilasizmi? "Obod" safardagi oxirgi to'rt o'yinida birortayam gol ura olmadi. To'plar nisbati 0-10.