Bugun futbol. "Lokomotiv" - "Neftchi"

Toshkentda "Lokomotiv" Farg'onaning "Neftchi" klubini qabul qiladi. 

O'yin 19:00da boshlanadi. 

O'yindan nima kutyapmiz? Mamlakatimizning amaldagi chempioni "Lokomotiv"ga "Neftchi" jiddiy qarshilik ko'rsata oladimi? Malumki, "Lokomotiv" o'z maydonida kuchli futbol namoyish etadi. Jamoa aksariyat o'yinlarni yirik hisobda o'z foydasiga hal qilib kelmoqda. "Neftchi"ning esa safarda o'yini qovushmayapti. Xo'sh, bugun farg'onaliklar "Loko" qarshiligini enga olishadimi? 

Fakt: "Lokomotiv" shu paytgacha uydagi hamma o'yinlarda g'alaba qozongan. To'plar nisbati 19-1. Ko'rib turganingizdek, jamoa atigi bitta gol o'tkazib yuborgan. "Temiryo'lchilar" uyda "So'g'diyona", "Olmaliq", "Obod" va "Qizilqum" kabi klublarni gol o'tkazmasdan mag'lub etishgan. 

Bilasizmi? "Lokomotiv" oxirgi oltita o'yindan beri mag'lub bo'lmay kelmoqda. Jamoa to'rtta uchrashuvda g'alabaga erishgan bo'lsa, ikki marta durang o'ynagan. 

Fakt: Bugun "Neftchi" safarda 7-bahsini o'tkazadi. Jamoa avvalgi oltita bellashuvning faqat bittasida g'alaba qozongan. Farg'onaliklar Jizzaxda "So'g'diyona"ni mag'lub etib qaytishgan. Qolgan o'yinlarda ikki durang va uch mag'lubiyat qayd etilgan. "Neftchi" safarda hozircha 5 ochko to'plagan. 

Bilasizmi? "Neftchi" bu yil o'zidan kutilgan o'yinni namoyish qila olmayapti. Bunga qo'lga kiritilgan atigi ikki g'alaba ham misol bo'la oladi.