Ravshan Haydarov: "Sidiqovning kelajagi porloq, faqat..."

"Bunday o'yin tashkil etib berishgani uchun O'FFga rahmat. Taklifga rozi bo'lgani uchun Rossiya futbol Ittifoqiga rahmat. O'yin chiroyli va tomoshabop, gollarga boy bo'ldi. Osiyo chempionati saralash bahslariga mana shunday o'yinlar orqali tayyorgarlik o'tkazish biz uchun foydali bo'ladi. O'rtoqlik uchrashuvlari orqali futbolchilarni saralaymiz.

Oliy liga 12-tur o'yinlari bilan to'g'ri kelib qolgani bizga ozgina qiyinchilik tug'dirdi. Sidiqov kecha Qo'qonda o'yin o'tkazdi. SHu bois uni zaxiradan maydonga tushirdim. Uning kelajagi porloq futbolchi, faqat mehnatdan to'xtamasligi kerak" , - deydi Ravshan Haydarov.