Karlush Keyrush: O'zbekistonga qarshi o'yin biz uchun xuddi JCH finalidek bo'ladi

Eron terma jamoasi O'zbekistonga qarshi o'yin oldidan Avstriyada tayyorgalik ko'rmoqda. Eronliklar ustozi Karlush Keyrush Facebook ijtimoiy tarmog'idagi sahifasida bo'lajak bahs olididan o'z firklarini yozib qoldirdi.

“Avstriyadagi o'quv-mashg'ulotlar yig'inida ekanmiz, o'z-o'zimizga bir savol berish vaqti keldi: O'zbekistonga qarshi JCH saralash o'yini oldidan fidoyilik yoki qoniqish hosil qilishmiz kerakmi? Boshqacha qilib aytadigan bo'lsam, O'zbekistonga qarshi bellashuvda kiritiladigan 3 ochko JCH yo'llanmasi uchun  “match-point” bo'ladi.

O'zbekistonga qarshi o'yin biz uchun xuddi JCH finalidek bo'ladi. Har doim aytib kelganim kabi, biz o'zimizning Jahon chempionatimizni o'ynayapmiz! O'zbekiston bilan o'yin eng qiyini va  muhimi bo'libgina qolmay, jamoa sifatida kuchimizni ko'rsatishga katta imkoniyat beradi. Bo'lajak o'yindan qoniqish hosil qilish emas, har bir daqiqa va har bir lahzada to'liq burch, to'liq etibor, to'liq professionallikni ko'rsatishimiz kerak.

Bundan kami bizni qoniqtirmaydi, chunki muvaffaqiyat osonlik bilan kelmaydi. Jamoaning har bir futbolchisi, har bir xodimi va saralash bosqichi uchun masul bo'lgan har bir inson borini berishi va fidoyilik qilishi lozim”, – dedi Karlush Keyrush.

Malumot uchun, “A” guruhi 7-turidan keyin Eron 17 ochko bilan peshqadamlik qilayotgan bo'lsa, 13 ochko jamg'argan Janubiy Koreya ikkinchi pog'onada bormoqda. O'zbekiston terma jamoasi 12 ochko bilan uchinchi o'rinni band qilgan. 4–6 o'rinlarni mos ravishda Suriya (8 ochko), Xitoy (5 ochko) va Qatar termalari egallagan.