"Neftchi": Murod Ismoilov ketdi, Andrey Fyodorov ham ketadi
/ Kiritdi: BestMaster O'qilgan: 895
Farg'onaning “Neftchi” jamoasi 2017-yilgi mavsumni ko'ngildagidek o'tkaza olmayapti.
Birinchi davra yakunlanishiga oz fursat qolganda jamoa turnir jadvalining quyi pog'onalarini band etib turibdi.
Oliy liga 12-turidan o'rin olgan “Lokomotiv” – “Neftchi” bahsidan so'ng Farg'ona viloyati hokimi SHuhrat Madaminovich G'aniev klub qarorgohida yig'ilish o'tkazdi. Yig'ilishda shu kunga qadar klub raisi sifatida faoliyat olib borgan Rustam Rahmonovich Abdullaev hamda jamoa katta murabbiyi Murod Muzaffarovich Ismoilovlar o'z arizasiga ko'ra istefoga chiqarildi. Bosh murabbiy Andrey Vitalevich Fyodorov esa jamoaga yangi bosh murabbiy topilgunga qadar vaqtincha ishlaydi.
Jamoa tarkibida ham katta o'zgarishlar kuzatiladi. Faqat bu jarayon birinchi davra yakuniga etkanidan so'ng amalga oshiriladi. Klub rahbarlari tomonidan jamoa oldida yuqori ko'rsatkichlarni qayd etish vazifasi qo'yilmoqda. Jamoa raisi lavozimiga Farg'ona futbol federaciyasi vice-prezidenti Tohir Veysalovich Kapadze tayinlandi.
Ayni paytda barcha diqqat etibor Namanganda bo'lib o'tadigan “Navbahor”ga qarshi bahsga qaratilgan. Klubga doir so'nggi yangiliklarni internetdagi rasmiy-veb saytimiz orqali kuzatib boring
“Neftchi” matbuot xizmati
Bosh sahifaga
366