Bugun oliy liganing uchta klubi Kubok o'yinlarini tark etadi

"So'g'diyona" o'z maydonida "Buxoro"ni qabul qiladi. Esingizda bo'lsa, Buxoroda kechgan birinchi uchrashuvda 1:1 hisobi qayd etilgandi. Bugungi bahsdan so'ng qaysidir jamoa Kubok bilan xayrlashadi. "So'g'diyona" o'z maydonida to'p tepishini hisobga olsak, "Buxoro"da imkoniyat katta bo'lmasa kerak.

Yana bir uchrashuv Bekobodda "Metallurg" va "Qo'qon-1912" jamoalari o'rtasida kechadi. Qo'qondagi birinchi o'yinda mezbonlar 2:0 hisobida zafar quchishgan. Katta ehtimol bilan javob bahsi ham "Qo'qon-1912" foydasiga hal bo'ladi. CHunki "Metallurg"ga Kubok kerak emasga o'xshayapti.

Albatta, markaziy uchrashuv G'uzorda kechadi. 1/8 finalning javob o'yinida "Nasaf" "Paxtakor"ga qarshi bahs olib boradi. Yaxshi bilasiz, Toshkentdagi o'yinda "Nasaf" 3:0 hisobida g'alabaga erishgandi. Javob bahsida "Paxtakor"ga qiyin bo'lishi turgan gap. Bu o'yindan so'ng ham Kubokka asosiy davogar jamoalardan biri musobaqa bilan xayrlashadi.

O'zbekiston Kubogi–2017
1/8 final javob o'yinlari

30 may, seshanba

18:00 - Metallurg (Bekobod) – Qo'qon-1912 (Qo'qon)
Hakamlar: A. Risqullaev (Toshkent), S. Hakimov (Samarqand), SH. Kamarov (Samarqand), D. Jalimov (Toshkent vil.)
Nazoratchi: O. Dachev (Toshkent).

18:30 - Nasaf (Qarshi) – Paxtakor (Toshkent)
Hakamlar: Z. Qodirov (Navoi), O. Jumaev (Navoi), R. Samandarov (Navoiy), K. Rasulov (Qarshi)
Nazoratchi: R. Aytekov (Toshkent).

19:00 - So'g'diyona (Jizzax) – Buxoro (Buxoro)
Hakamlar: R. Bobomurodov (Navoiy), F. Yormuhamedov (Toshkent), B. Bahromov (Toshkent), B. Yo'lcharaev (Guliston)
Nazoratchi: SH. Djumaev (Qarshi).