Ivan Nagaev: “Lokomotiv” chempionat favoriti, lekin..."
/ Kiritdi: BestMaster O'qilgan: 910
O'zbekiston kubogi 1/8 javob uchrashuvida Jizzaxning “So'g'diyona” jamoasi “Buxoro”ni qabul qildi va mag'lubiyatga uchradi (0:3).
O'yindan so'ng mehmonlar hujumchisi Ivan Nagaev o'yin borasida o'z fikrlari bilan o'rtoqlashdi.
- Uchrashuv qiyin kechdi, chunki oxirgi payti juda ko'p o'yinlar o'tkazdik. Ozroq charchoq alomatlari hammada bor. “So'g'diyona” ajoyib jamoa, ammo bugun biz ulardan ancha ustun edik. Yigitlar bugun maydonda borini berib o'ynadi va shuning hisobiga g'alaba qozondik.
- Keyingi bosqichda “Lokomotiv” bilan o'yin kutilayapti. Bu jamoa siz uchun begona emas. Bu o'yin borasida qanday fikrdasiz?
- “Lokomotiv” chempionat favoriti hisoblanadi. Qiziq o'yin bo'ladi. Lekin sizga bir gap aytaman, “Buxoro” futbolchilari ulardan xech bir jabhada kam o'yin ko'rsatmaydi. Hozirgi paytda chempionatimizdagi barcha jamoalarning kuchlari teng. Hammasi futbolchiga bog'liq. Agar futbolchi maydonga chiqib bor mahoratini ko'rsata olsa, unda har bir jamoani mag'lubiyatga uchratsa bo'ladi", - deydi Nagaev.
Dildora Xolbaeva
Bosh sahifaga
188