OCHL voqealari. "Lokomotiv" guruhidagilar musobqani tark etdi, "Bunyodkor" guruhidagilar chorak finalda

Gap shundaki, musobaqani davom ettirish uchun "A" va "B" guruhidagi jamoalardan hech kim qolmadi. "S" va "D" guruhidagilar esa keyingi bosqichga yo'l olishdi.

Guruh o'yinlarida "Lokomotiv"ga o'zida javobsiz to'rtta gol urgan "Al Ahli", shuningdek "Ozodi" stadionida 2:0 hisobida zafar quchgan "Istiqlol" musobaqa bilan xayrlashdi. "Loko" bosh murabbiyi Andrey Miklyaev "A" guruhini eng kuchli guruh deya aytib o'tgandi, ammo nimchorak finaldan so'ng hech kim qolmadi.

"Bunyodkor" guruhidagilar esa ancha kuchli chiqib qolishdi. Xususan, "Al Ayn" o'z maydonida "Istiqlol"ni 6:1 hisobida mag'lub etib musobaqadan chiqarib yubordi. Saudiya Arabistonining "Al Ahli" klubi esa Dubaydagi nomdoshini safarda mag'lub etdi.

"V" guruhida bahs olib borgan "Lahviya" bilan "Istiqlol Xuziston" ham bu yilgi chempionlar ligasi bilan xayrlashdi. Aksincha, "D" guruhidan chiqqan jamoalar - "Al Hilol" bilan "Persepolis" endi chorak finalda ham kurashni davom ettirishadi.

Aytish mumkinki, bu yilgi Osiyo chempionlar ligasi barcha uch klubimiz uchun muvaffaqiyatsiz tugadi. "Nasaf" guruh bosqichiga chiqa olmagan bo'lsa, "Lokomotiv" bilan "Bunyodkor" faqat bitta o'yinda g'alaba qozongan holda o'z guruhlarida oxirgi bo'lishdi. Bundan tashqari, ikkala jamoa ham oltita o'yinda bir xil 12 tadan to'p o'tkazib yuborishdi. Endi bor umid keyingi yil bo'lib o'tadigan o'yinlardan.