Kardiffdan muxlisimiz xabar qiladi... LIVE

Madridning "Real" va Turining "Yuventus" klublari o'rtasidagi o'yinga qiziqish juda katta. Ayni paytda o'zbekistonlik Sarvar Nishonboev Kardiff shahrida bo'lib turibdi. U o'quvchilarimizga final bo'lib o'tadigan shahardan qaynoq malumotlarni etkazib berishga rozi bo'ldi. Ushbu sahifada Kardiff shahridan kelgan malumotlar berib boriladi.

YANGILASH

Barcha o'zbekistonliklarga Uelsdan alangali salom! Bugun Kardiffda "Cardiff Day" bo'lib o'tmoqda. Muxlislar uchun turli tadbirlar tashkil etilgan. Istalgan muxlis Evropa chempionlar ligasi kubogining originali bilan rasmga tushish imkoniyatiga ega. Rasmlarni esa maxsus sayt orqali ko'chirib olish imkoniyati mavjud.

Kardiff vaqti bilan soat 16:00da (Toshkentda 20:00) Evropaning ko'zga ko'ringan sobiq futbolchilari o'rtasida futbol shou bo'lib o'tadi.

Evropa chempionlar ligasi kubogi yonginamizda

Kubok bilan rasmga tushishni istaganlar ko'p, jonli navbat shunday ko'rinishda

Kubok bilan tushilgan rasmni maxsus saytdan yuklab olish mumkin bo'ladi

Xohlovchilar uchun "ECHL SHop" tashkil etilgan. Unda musobaqa finaliga oid sovg'alar yoki futbol to'plari sotib olish mumkin.

Istasangiz futbolkalarni ham xarid qilishingiz mumkin

Turli suvenirlar

Musobaqaning rasmiy va original to'pi 100 funt turadi.

Bu esa Evropa chempionlar ligasi galereyasi. Bu erda yakunlanayotgan mavsumda ECHLda ishtirok etgan klublarning formalari joylashtirib chiqilgan. "Lester"ning formasi ko'rinayaptimi?

Finalchilardan biri bo'lgan "Yuventus" klubining bu yil yutgan kuboklari bilan rasmga tushish marosimi.

Navbatda turganlar orasida Bardzali ham bor )))

Uels poytaxti Kardiff shahridan Sarvar Nishonboev championat.asia sayti uchun maxsus

YANGILASH