Konfederaciyalar kubogi-2017. Startga 15 kun qoldi

​2005 yilgi Konfederaciyalar kubogi musobaqasida Germaniya 15ta gol urib mezbonlar orasida rekordchiga aylangandi. Mutloq rekord esa Braziliyaga tegishli. 1999 yil Meksikadagi musobaqada Pele hamyurtlari 18ta gol urishgandi.

Germaniya o'sha musobaqada uchinchi o'rinni egallagandi. Yurgen Klinsmann shogirdlarining o'yinlari ko'pchilikka maqul kelgandi. Dunyo hujumkor futbol ko'rsatayotgan jamoani ko'rishgandi. Oradan taxminan 10 yil vaqt o'tib shu jamoa Yoaxim Lev qo'l ostida Jahon chempioni bo'lgandi.

1999 yil Braziliyadan tashqari Ispaniya 2013 yilgi Konfederaciyalar kubogida 15ta gol urgandi. Ammo bunchalik ko'p gol urilishiga jamoalarning yirik g'alabalari sabab bo'lgandi. Braziliya 1999 yil Saudiya Arabistoni ustidan 8:2 hisobida mag'lub etgandi, ispanlar esa 2013 yilda Taitini tor-mor etgandi - 10:0.

Germaniya esa o'z maydonidagi musobaqada har bir o'yinda o'rtacha 2-4tadan gol urgandi: 4 – Avstraliya, 3 – Tunis, 2 – Argentina, yarim finalda Braziliyaga qarshi 2ta va uchinchi o'rin uchun bahsda Meksikaga 4ta gol.