Anvar Berdiev “Andijon”ning may oyidagi “Eng yaxshi futbolchisi”
/ Kiritdi: BestMaster O'qilgan: 772
Yakuniga etgan may oyi oyi bo'yicha “Andijon”ning “Eng yaxshi futbolchisi”ni aniqlash borasida telegramdagi rasmiy kanalimiz orqali muxlislar ishtirokida so'rovnoma o'tkazgandik.
Unga ko'ra may oyida ham tajribali hujumchi Anvar Berdiev yakka peshqadamlik qildi.
Aytish kerakki, “Andijon” may oyida jami 6ta o'yin o'tkazib, jami 14ta ochko jamg'ardi. Berdiev mazkur uchrashuvlarning 4tasida ishtirok etib, raqiblar darvozasini to'rt marta aniq nishonga ola bildi. Tajribali hujumchining ayniqsa safarda “Norin”ga qarshi bahsda kiritgan 2ta goli muhim g'alabani taminladi. SHuningdek Anvar Berdiev qolgan ikkita to'pini “Xorazm”ga qarshi bahsda kiritdi. Bu safar esa uning gollari “Andijon”ga durangni taqdim etdi.
Bir so'z bilan aytganda, 39 yoshli futbolchi o'zining boy tajribasi evaziga “Andijon”ga katta yordam bermoqda. Uning golini oldindan his qilishi ko'pincha raqib posbonlarini qiyin vaziyatga tushirib qo'ymoqda deyish mumkin.
May oyi bo'yicha o'tkazilgan so'rovnoma yakunlari:
1. Anvar Berdiev – 49 ball.
2. SHahboz Jumabev – 14.
3. Dilmurod Mahmudov – 12.
4. Ibrohim Otaxonov – 9.
5. Farhod Bekmuratov – 5.
6. Akbar Xodjaev – 4.
7. Sanjar Asqaraliev – 4.
8. Lochin Dolimov – 4.
9. Qahramon Mahamadjonov – 3.
10. Oybek Nurmatov – 2.
"Andijon" matbuot xizmati
Bosh sahifaga
224
