Alisher Botirov: “Buffon kuchli bo'lishi mumkin, lekin Ronaldu mana shu darvozabonga 5ta gol urgan”
/ Kiritdi: BestMaster O'qilgan: 1283
Bugun ECHL final bosqichida Turinning “Yuventus” klubi Madridning “Real” jamoasiga qarshi bahs olib boradi. Ushbu uchrashuv oldidan “Million” jamoasi azosi so'z ustasi Alisher Botirov o'z fikrlarini bildirdi.
“Bugun yarim final bahsidan ko'ra kuchliroq o'yin bo'ladi nazarimda. CHunki, dunyoning eng kuchli himoyasi dunyoning eng kuchli hujumiga qarshi bahs olib boradi. Meni fikrimcha bugungi o'yinda “Real Madrid” g'alaba qozonadi. Sababi buni futbolchilardan ko'ra ko'proq Zinedin Zidan istamoqda. Buffon kuchli bo'lishi mumkin, lekin Ronaldu mana shu darvozabonga 5ta gol urgan. Agarda “Real” birinchi bo'lim boshlarida gol urib olsa “Yuventus” oldinga o'tishga majbur bo'ladi va qarshi hujumda “qirollik” klubi raqiblarini jazolashlari mumkin. “Yuventus” birinchi bo'lib uchrashuvda hisobni ochsa bor etiborlarini himoyaga qaratadi. Bunda “Real”ga biroz qiyin bo'lishi mumkin.
Bugun jamoalar penaltilar seriyasiga qadar etib bormasa kerak. “Yuventus”ga qarshi Zidan Isko va Garet Beylni asosiy tarkibda maydonga tushirishi mumkin. Men bu gapni “Real” muxlisi sifatida aytmayapman. Hozir ijtimoiy tarmoqlarda mana shu ikki futbolchining qaysi biri maydonga tushirilishi haqida bahs-munozaralar bo'lmoqda. “Real” g'alaba qozonsa tarixda ketma-ket ikki marotaba ECHL musobaqasida g'olib bo'lgan jamoa bo'ladi”, - deydi alisher Botirov
Bosh sahifaga
215
