O'zbekiston terma jamoasi rasmiy mashg'ulot o'tkazdi (FOTO)
/ Kiritdi: BestMaster O'qilgan: 1121
Samvel Babayan boshchiligidagi O'zbekiston terma jamoasi Tailandga qarshi o'rtoqlik uchrashuvi oldidan "Bunyodkor" stadionida rasmiy mashg'ulotni o'tkazdi.
Rasmiy mashg'ulotda yig'inga jalb etilgan 28 futbolchidan 25 nafari ishtirok etdi.
"Nasaf" yarim himoyachisi Odil Hamrobekov sog'lig'i tufayli terma jamoa lagerini 1 iyun kuni tark etgandi.
Hozircha legionerlardan faqatgina Anzur Ismoilov va Fozil Musaev yig'inga qo'shilgani yo'q.
Terma jamoamiz sardori Odil Ahmedov esa bugundan mashg'ulotlarga kirishdi. Ahmedov bugungi mashg'ulotni yakka tartibda o'tkazdi.
Bugungi mashg'ulotda kichik jarohati saba Davron Hoshimov katta yuklamali mashqlarda ishtirok etmadi. Hoshimov ertangi bahsda maydonga tushmaydi. Davron Hoshimov Eronga qarshi bellashuvga qadar tiklanishi va safga qaytishi kutilmoqda.
Katta ehtimol bilan ertangi uchrashuvda o'ng qanot himoyasida katta tanaffusdan keyin terma jamoadan taklif olgan "Nasaf" himoyachisi Akmal SHorahmedov o'ynashi mumkin.
O'zbekiston va Tailand terma jamoalarining rasmiy mashg'ulotida benazir kadrlarni "ovlagan" Tolibjon Qosimov, ertaga chiroyli fotogalereyani taqdim etadi.
SHuningdek, terma jamoamizning rasmiy mashg'ulotini video tasvirga tushirgan Zoir Tursunboev ham ertaga ajoyib rolikni siz aziz muxlislarga ulashadi.
Bosh sahifaga
341
11 Iyul 2022, 13:07