Toshkent xalqaro turniri kubogi Yaponiyaga ketadi
/ Kiritdi: BestMaster O'qilgan: 1042
Bugun Toshkentda 15 yoshgacha bo'lgan futbolchilar o'rtasidagi xalqaro turnir yakunlandi.
O'tkazilgan barcha uchrashuvlarda g'alaba qozongan Yaponiya U-15 terma jamoasi musobaqa g'olibiga aylandi.
Yaponiyaliklar dastlab O'zbekiston (5:1), keyin Belarus (1:0) o'smirlar terma jamoasini mag'lubiyatga uchratdi. So'nggi, hal qiluvchi bahsda esa Polsha U-15 termasini 2:1 hisobida taslim qilgan yaponiyaliklar bosh sovringa ega chiqdi.
O'tkazilgan uch o'yindan 2 tasida g'alaba qozongan Polsha o'smirlar terma jamoasi ikkinchi o'rinni egalladi. Har ikki sovrindor jamoa kubok va esdalik sovg'alari bilan taqdirlandi.
Dilshod Nuraliev shogirdlari oxirgi o'yinni Belarus U-15 termasiga qarshi o'tkazib, 1:3 hisobida imkoniyatni boy berdi. Mazkur musobaqa O'zbekiston o'smirlar termasi uchun 2018 yilgi U-16 Osiyo chempionatiga saralash bosqichiga tayyorgarlik vazifasini o'tadi. Saralash bosqichi shu yilning 16–24 sentyabr kunlari bo'lib o'tadi.
O'smirlar o'rtasidagi xalqaro turnir
Toshkent, “JAR” stadioni. 5 iyun, dushanba
Polsha U-15 – Yaponiya U-15 - 1:2
O'zbekiston U-15 – Belarus U-15 - 1:3
Bosh sahifaga
187
