Kompyuter o'yini 11 yil oldin hozirgi futbol yulduzlari paydo bo'lishini bashorat qilgan edi

Football Manager o'yinlari seriyasi doimo o'zining aniq taxminlari va sifatli tahlili bilan ajralib turgan, ammo Football Manager 2007 o'yinining taxminlari hozirgi futbol yulduzlari paydo bo'lishini aniq aytib bergan.

"Reddit"ning ikki foydalanuvchisi Football Manager o'yinining taxminlari aniqligini tekshirishga qaror qilishdi va buning uchun 11 yil oldin, 2006 yilda chiqarilgan Football Manager 2007 o'yinidan foydalanishdi. Natijalar fantastik bo'lishini hech kim kutmagandi, chunki 10 yildan so'ng kimlar futbol yulduziga aylanishini deyarli hech bir futbol mutaxassisi aytib berishi juda qiyin.

Football Manager 2007dagi eng istiqbolli futbolchilar ro'yxatini ko'rayotganda ular hozir futbolning haqiqiy yulduzlari bo'lgan o'yinchilarga duch kelishdi. Taxminlar shunchalik aniq ediki, ularni tasodif deyishga tilingiz bormaydi.

Football Manager 2007 foydalanuvchilarga Zagrebning "Dinamo" klubida o'ynovchi Luka Modrichga etibor qaratishni maslahat bergan, hozir esa Modrich "Real"ning "motori" hisoblanadi.

Football Manager 2007 taxminlari ro'yxatida Aleksis Sanchesni uchratish mumkin - o'yin chiqqan paytda chililik "Kolo-Kolo" klubida o'yna edi, hozir esa Sanches "Arsenal"ning birinchi raqamli futbolchisi va CHili terma jamoasi yulduzlaridan biri.

Bunday misollarni ko'p keltirish mumkin. Football Manager o'yini tahlilchilari o'z ishlarini juda yaxshi bilishadi. Endi yirik klublar Football Manager o'yinidagi istiqbolli yoshlar ro'yxatini qidirib qolishar.