"Metallurg” nazorat uchrashuvida "Bunyodkor"ga yutqazdi
/ Kiritdi: BestMaster O'qilgan: 1064
Bugun poytaxtimizdagi “Bunyodkor” akademiyasi maydonida mezbonlarga qarshi nazorat uchrashuvini o'tkazgan Bekobodning “Metallurg” jamoasi 0:3 hisobida imkoniyatni boy berdi.
Uchrashuvning birinchi bo'limi teng kurashlar ostida kechdi. Mezbonlar ham, mehmonlar ham xavfli vaziyatlar yaratishgan bo'lishsa-da, ulardan foydalana olishmadi. Bunda himoyachilar va darvozabonlarning xizmati katta bo'ldi.
O'yinning ikkinchi taymida “Metallurg” ustozlari tarkibni to'liq o'zgartirdi. Amalda zahirada qolib ketayotgan va yoshlar tarkibi azolaridan tashkil topgan tarkib tashabbusni maydon egalariga to'liq berib qo'ydi. Natija ham shunga yarasha bo'ldi. Vadim CHemirtan boshlab bergan gollar shousini “Bunyodkor”ning yoshlar tarkibi vakillari davom ettirishdi. Ikkinchi golni Mirjahon Miraxmatov o'yindan, uchinchi golni Farrux Ikromov penaltidan kiritdi. Agarda Zafar Safaev yana bir qator vaziyatlarda jamoasini muqarrar gollardan saqlab qolmaganida, hisob bundan-da yirik ko'rinish olgan bo'lardi.
“Metallurg” (1-taym): S.Sultonov, D.Karimqulov, H.Hoshimov, D.Odilov, M.Sulaymonov, I.Isoqjonov, M.Toshmatov, J.Abdumo'minov, A.No'monov, A.Ziyovuddinov, Z.Abdullaev.
“Metallurg” (2-taym): Z.Safaev, J.Ahmedov, V.Magerramov, A.Toshqo'ziev, M.Qahramonov, K.Kopadze, F.Namozov, U.Rahimov, S.Qodirqulov, D.Ismoilov, T.Usmonov.
"Bunyodkor": D.Hamroev, A.Komilov, D.Michich, J.Mirabdullaev, X.G'iyosov, J.Ibrohimov, M.Qosimov, S.Azimov, N.To'xtasinov, SH.Nurmatov, V.CHemirtan.
"Metallurg" matbuot xizmati
Bosh sahifaga
80
