O'zbekiston terma jamoasi Tehronda ilk mashg'ulotini o'tkazdi
/ Kiritdi: BestMaster O'qilgan: 1136
O'zbekiston milliy terma jamoasi JCH–2018 turniriga saralash bosqichi “A” guruhi 8-turidan o'rin olgan Eronga qarshi o'yinda ishtirok etish uchun bugun, 10 iyun kuni ertalab Tehron shahriga etib bordi.
Samvel Babayan shogirdlari Tehronda ilk mashg'ulotini o'tkazdi. Eronga qarshi bellashuvda ishtirok etish uchun 23 futbolchi Tehronga yo'l olgan. Quyida ular bilan tanishing:
Darvozabonlar: Aleksandr Lobanov (“Paxtakor”), Ignatiy Nesterov (“Lokomotiv”), Eldor Suyunov (“Nasaf”);
Himoyachilar: Stanislav Andreev (“Paxtakor”), Farrux Sayfiev (“Nasaf”), Anzur Ismoilov (“CHanchun Yatay”, Xitoy), Egor Krimec (“Beyjing Goan”, Xitoy), Rustam Ashurmatov (“Bunyodkor”), Otabek SHukurov (“Bunyodkor”), Murod Xolmuhammedov (“Qo'qon-1912”), Davron Xoshimov (“Paxtakor”), Akmal SHorahmedov (“Nasaf”);
Yarim himoyachilar: Odil Ahmedov (“SHanxay SIPG”), Server Jeparov (“Istiqlol”, Eron), Eldor SHomurodov (“Bunyodkor”), Jaloliddin Masharipov (“Lokomotiv”), Sardor Rashidov (“Al-Jaish”, Qatar), Aziz Haydarov (“Ajman”, BAA), Fozil Musaev (“Jubilo Ivata”, Yaponiya), Vadim Afonin (“Orenburg”, Rossiya);
Hujumchilar: Igor Sergeev (“Paxtakor”), Temurxo'ja Abduxoliqov (“As-Sayliya”, Qatar), Aleksandr Geynrix (“Ordabasi”, Qozog'iston).
Tailandga qarshi (2:0) o'rtoqlik o'yinida jarohat olgan Marat Bikmaev Tehron safarini o'tkazib yuborishga majbur bo'ldi. SHuningdek, milliy terma jamoa yig'iniga chaqirilgan Javohir Siddiqov, Islomjon Qobilov va Aziz G'aniev O'zbekiston U-22 termasi ixtiyoriga yuborildi. Ravshan Haydarov jamoasi 10–15 iyun kunlari Xitoyda o'quv-mashg'ulotlar yig'inini o'tkao'ib, 13 iyun kuni Xitoy yoshlariga qarshi o'rtoqlik o'yinida maydonga tushadi.
Eslatib o'tamiz, Eron – O'zbekiston uchrashuvi 12 iyun kuni Tehrondagi “Ozodi” stadionida Toshkent vaqti bilan soat 21:45 da boshlanadi.
Bosh sahifaga
1732