Bugun futbol. "Obod" - "Metallurg"

Oliy ligada qolish uchun harakat qilayotgan "Obod" o'z maydonida "Metallurg"ni qabul qiladi.

18:30 - Obod (Toshkent) – Metallurg (Bekobod)
Hakamlar: T. To'xtasinov (Andijon), A. Marajabov (Andijon), Z. Abdurahmonov (Andijon), D. Klepikov (Toshkent)
Nazoratchi: B. Tog'aev (Toshkent).
O'zPFL vakili: N. Lutfulin.

Turnir jadvalidagi o'rni: "Obod" 9 ochko bilan jadvalning eng oxirgi qismini egallab turibdi. "Metallurg" hisobida 11 ochko bor va bu jamoa 14-o'rinda bormoqda.

O'yindan nima kutyapmiz? Bugun "Jar" stadionida qiziqarli o'yin bo'lishi kutilmoqda. CHunki ikkala jamoaga ham ochko zarur. Agar "Obod" g'alaba qozonsa, "Metallurg"dan o'zib ketadi. Lekin bekobodliklar ham bo'sh kelmasligi turgan gap. CHunki bu jamoa "Nasaf"ni mag'lub etganidan so'ng qolgan bellashuvlarda ochko yo'qotmaslikka harakat qiladi.

Fakt: Oxirgi o'rindagi "Obod" o'z maydonida hozircha bitta g'alabaga erishgan. Rauf Inileev shogirdlari "Dinamo"ni 3:1 hisobida mag'lub etishgandi. SHundan keyin "Obod" Muborakka borib "Mashal"dan 0:3 hisobida engilib qaytdi.

Bilasizmi? "Obod" oxirgi to'rtta o'yinning faqat ikkitasida mag'lub bo'ldi. Demak, jamoa o'ziga kelayotgan bo'lishi mumkin.

Fakt: "Metallurg" hozircha safar o'yinlarida faqat bitta gol urgan. Jamoa 9-turda "Bunyodkor" bilan 1:1 o'ynagan. Umumiy to'plar nisbati 1-7.

Bilasizmi? "Metallurg" safar o'yinlarida hali g'alaba qozonmagan. Jamoa bir bor durang o'ynab, to'rt marta imkoniyatni boy bergan.