Smolnikov: "CHicharito - good player, Krishtianu Ronaldu esa - best of the best"

"Yaxshi tayyorgarlik ko'rdik, ammo hammasini rasmiy uchrashuvlarda ko'ramiz. Nazorat o'yinlarini yaxshi darajada o'tkazdik, shu sababli jamoadagi kayfiyat yaxshi. Bunday katta turnir hayotda bir marotaba bo'ladi. Yuklamalarni kamaytirdik, barcha yigitlar o'zini yaxshi his qilishmoqda. Sankt-Peterburgdagi stadionimizda o'ynash men uchun yoqimli. Bu stadion bizga omad keltiradi deb o'ylayman. CHim haqida gapirishdan foyda yo'q, chunki uni o'zgartirishdi. Golovin bu turnirda kuchliroq futbolchiga aylanadimi? Sasha o'zini ko'rsatishi uchun unda hamma narsa etarli. Unga omad tilayman va top-jamoaga o'tishini istayman.

Portugaliya haqida Yangi Zelandiyadan so'ng o'ylay boshlaymiz. Portugaliya va Meksika haqida qanday fikrdaman? Very strong (juda kuchli). Ular kuchli raqib, har bir o'yinga maksimal darajada tayyor bo'lishimiz kerak. CHicharito - good player (yaxshi futbolchi), Krishtianu Ronaldu esa - best of the best (eng zo'rlarning zo'ri). Ularga qarshi o'ynashni istayman. O'z oldimizga maksimal vazifa qo'yamiz, ochilish uchrashuvida esa g'alabani xohlaymiz" - deydi Smolnikov.