Ixtiyor Karimov: “Klubimizga nisbatan qo'llanilgan jazo, o'yinchilarimiz ruhiga tasir qilgan"

- Bugun hujumkor o'yin namoyish etdik. Maqsadimiz “Nasaf”ni mag'lub etish edi. Ammo raqibimiz hujumlarida bizni xato qilishga majbur qildi va ular bu imkoniyatdan to'g'ri foydalanishdi. Futbolchilarimizga ozgina etirozim bor, ular hujumlarda sustkashlikka yo'l qo'yishayapti. Buning ustida ishlaymiz, albatta.

Biz birinchi bo'limda yaxshi himoyalandik. Ammo ikkinchi bo'limda hujumlarga etibor qaratdik, chunki biz o'z uyimizda o'ynadik. Bizga g'alaba zarur edi. Albatta to'liq himoyalanib, g'alaba qozonib bo'lmaydi. Ammo yana takror aytaman, yo'l qo'ygan xatolarimiz bizga pand berdi.

Biz umuman yomon o'yin namoyish etmayapmiz. Ammo klubimizga nisbatan qo'llanilgan jazo, o'yinchilarimizning ruhiga salbiy tasir qilgan. Ularning bu ruhiy holatdan chiqarib olishimiz kerak. Bizga nisbatan qabul qilingan qaror, ijobiy hal bo'lishidan umidimiz bor. Bunga ularni ishontirishimiz kerak. Keyingi o'yinlarimizda muvaffaqiyatsizliklarimizga ham asosiy sabab bo'layapti. Men shaxsan yigitlarimizga ishonaman. O'ylaymanki, vaziyatlarni o'nglab, g'uzorlik muxlislarni ijobiy natijalarimiz bilan xursand qilamiz.