"Paxtakor" - "Nasaf". Uchrashuv raqamlari va malumotlar

Qarshiliklar ayni paytda turnir jadvalida 2-o'rinni egallab turishibdi va o'rtadagi farq 5 ochkoni tashkil qilmoqda. SHu sababli bo'lajak uchrashuvda g'alabaning ahamiyati jamoamiz uchun juda muhim.

Hozirgacha tomonlar oliy ligada 40 o'yinda kuch sinashgan. "Paxtakor" 22, "Nasaf" 8 bellashuvda zafar quchgan. 10 uchrashuvda durang qayd etilgan. Jamoamiz 57 to'p kiritib, 31 gol o'tkazib yuborgan. Toshkentdagi 20 o'yinda 16 g'alaba, 3 durang va 1 mag'lubiyat kuzatilgan.

Bellashuvda Valentin Kovalenko boshchiligidagi hakamlar guruhi ishlaydi.  Joriy mavsum ushbu referi jamoamiz ishtirokidagi o'yinni boshqarmagan.

"PAXTAKOR" - "NASAF"
Hakamlar: Valentin Kovalenko (Toshkent), Abdulhamid Rasulov (Toshkent), Jahongir Saidov (Toshkent), Aleksandr Lupashko (Toshkent).
Nazoratchi: Farhod Abdullaev (Toshkent).
PFL vakili: Ahrol Inoyatov.

Yoshlar jamoalari o'yini 18 iyun, yakshanba kuni Qibraydagi stadionda 17:45da start oladi. Asosiy tarkiblar uchrashuvi 19 iyun, dushanba "Paxtakor" stadionida 19:00da boshlanadi.

Klubimiz ishqibozlar uchun mo'ljallangan ajoyib akciyasini davom ettiradi. 19 iyun kuni oliy liga 14-turida jamoamiz "Nasaf"ni qabul qiladi. Bellashuv "Paxtakor" stadionida 19:00da boshlanadi. Mazkur uchrashuvda "Paxtakor" stadioniga tashrif buyuradigan muxlislarni ajoyib sovg'alar kutmoqda. Mavsumiy abonement va chipta sotib olgan har bir ishqiboz "Omadli muxlis" sovrinli akciyasida ishtirok etib, esdalik sovg'alari sifatida 4ta "IPhone 7 32 Gb" va asosiy sovg'a sifatida "Damas" avtomobilini yutib olish imkoniyatiga ega bo'ladi.

CHiptalar 10 va 20 ming so'mdan stadion kassalarida sotuvga chiqariladi.

Uchrashuvga tashrif buyuring va "Paxtakor"ni qo'llab-quvvatlang!